الأحد، 16 مارس 2008
حكومة سد الحنك.....!!!
نخش فى الموضوع على طولارتفاع الاسعار الغير مبرر ؟؟؟ جملة غبية وغلسة مش كدة ؟؟!!! بنسمعها كل يوم ، وفي كل مكان يخرج الريس يقولها ... يجي سي نظيف يعيدها وبعدين وزير التجارة والصناعة ومجلس الشعب (الشبع) يزيدو فيها بذمتكم لما الحكومة مش عارفة مبرر للي بيحصل مين الي المفروض يعرف ........) ..... هم مابقاش لهم شغلانة غير يعقدو اجتماعات وندوات ويخرجو منها بان التجار هم التوحشين والجشعين اما الحكومة ياروحي عليها هههههه اة والله يا روحى عليهاظالمينها وهي غلبانة ومسكينة ولما انتم ياحكومة مش عارفين تسيطرو على شوية تجار ومحتكريناومال هتمسكو البلد ازاي ؟؟؟... هه فهمونا بقى هتحكمو ازاي تمانين مليون ... ولا اظن هتقولولي العيب في الشرا ب المقطوع الي الراجل مش عارف يغيره لابنه علشان خاطر بيخلف كتير ( مش هي دي اشهر جملك ياحبيبنا يامبارك ؟)ولا الاسعار غلت علشان الغزاووين دخلو العريش خلصو على الزيت والسكر والاسعار من بعدها ولعت مش كدة ؟؟!!!!معليش ياخوانا الفلسطينين جت فيكم المرة دي .. ماهو لازم يلزقها في أي حد واهو نالكم من الحب جانب.... معلش امسحوها في المرة دي .... ولا بقى حكاية زيادة الدخل الحقيقي للمواطن !!!!هو يعني في دخل حقيقي ودخل خيال علمي ... عجبي وبعدين الي هتزودوهم هيبقو ايه؟؟؟شوية الموظفين الي فاضلين في البلد وماهجوشطيب والي طلعو على المعاش !!!والي بيشتغلو اعمال حرة ....ولا بقى الي دخلو قطاع الخصخصة !!!ولا الي مش لاقين شغل اصلا .. يعني العاطلين الي بلغ عددهم في احصائية 20 مليون ... دول هتعملو فيهم ايه ؟؟؟؟؟ ولا هي الزيادة هتيجي على لعيبة الكورة الي كل واحد قشله عشرات الالاف ... والي يبكي ويضحك انهم لموهم تبرعات من المواطنينويقولك هيزود الدخل ... وهيزود الموازنة العامة ازاي وهو بيلم من الغلابة راتب اللاعبين وبيلم من السواقين تكاليف نقل رمسيس التاني دا احنا عندنا حكومة زي الفل شغلانتها : الكذب .. الاجتماعات .. سد الحنك ... استخراج الحلول من الحلول اذا كـــــــان المتــــــــــــكلم اهبــــــــــل ... فالمستمع .......... دا من عند الجيران |
